Bagong Pangalan ng Aking Kaibigan

Nakaupo ako sa jeepney na nagbabasa ng nobela ni Herman Melville, yung Moby Dick, nang dumako ang aking mga mata sa isang issue ng Abante na ibinebenta ng bata. Ahh, Abante. Ikaw ang bayani n gaming buhay, ang nagsimula ng lahat; ikaw ang nagpakilala sa amin sa napakagandang mundo ng sex. At hindi hamak na mas mura ka sa Playboy, FHM, Maxim, at iba pa na puro kaseksihan lang ang laman at walang libog. Ikaw ang tagabukas ng libog!

At paano nga ba nagawa ng Abante ito? Gayung isa lamang itong tabloid? Ito ay dahil sa isang kolumnista na sa kasikatan ay binanggit na ni Joey De Leon sa pelikula at TV, at nagkaroon na rin ng pelikula: si Xerex Xaviera.

At alam niyo ang epekto ng mga kagilagilalas na kuwento ni Xerex Xaviera sa ating mga puson, este, puso. Ito ay dahil sa makulay na mga salita na ginagamit ng kolum ukol sa tinatawag natin sa English na penis.

Sa totoo lang, ano nga ba talaga ang katumbas nito sa wika natin? Sinasabi natin na Filipino ang wika natin kaya malabo naman kung gagamit tayo ng salita na mula lamang sa iilang dialect. Panahon na siguro na bigyan natin ng tunay na pangalang Pilipino ang ating munting kaibigan na sa atin ay nagbibigay ng kaligayahan.

Ari. Sa mga pangalan na ibinigay ng Pinoy sa munti niyang kaibigan, ito na siguro ang pinakamalinis. Walang kamali-malisya. Pwede na rin itong gamitin kahit sa pormal na komunikasyon, lalo na kung pag-isipan ng ating magagaling na mambubutas nag awing Filipino ang mga textbook ng Anatomy at Physiology para daw mas makabayan. Yun nga lang, may pagkalabo rin ang salitang ito. Dangan kasi’y pwede rin itong ipangtukoy sa babae man o lalaki. Wala itong personalidad. Pwede rin itong ipangtukoy sa bagay na hindi naman sekswal, tulad ng bahay, libro, o pera. Masyado itong malinis iisa lang ang joke na nagawa ukol dito. Naalala ko pa nung elementary ako  na may inaasar kaming kaklaseng mukhang hindi lalaking-lalaki ang dating. Kaya binibiro naming siya tungkol sa kanyang ari. Hindi na ari ang dapat itawag ditto kung hindi “ari-arian.”

Titi. Uten. Tutoy. Cute ang mga pangalan na ito. Pet name baga. Pero pwede ba siyang maging seksi? As in gawin natin sa usapan ng dalawang magkasintahan, ”Mahal, himasin mo naman ang tutoy ko.” Masyadong cute, nawawala yung libog. Kailangan matigas! Kailangan matatag!

Balik tayo sa Xerex. Alam ng mga kapanalig natin dito na isa sa mga ginagamit nila sa kolum ay ang salitang sandata. Magandang salita iyun. Matikas, panglalaki. Matigas. May pagkamalabo nga lang. anong sandata (weapon) ang tinutukoy dito? Espada kaya? Sibat? Baril?

Kung may experience kayo sa mga MMORPG maiintindihan niyo ako. Maraming klase ng espada. May tinutusok, may pinapalo. May iisa lang ang talim, mayroong dalawa ang talim, at mayroong ubod ng tulis. Ang problema nga lang ditto, hindi na ito bagay sa panahon ngayon. Wala nang gumagamit ng espada. Sobrang obsolete na ang salitang ito.

Kung baril kaya? Marami ring klase ng baril. May mahaba, may maiksi. May baril na paisa-isa lang ang pagbuga, may baril na dere-deretso ang ratrat. Malaking bagay ang size ng baril, ang haba ng nilalabasan ng bala nito, at ang taba ng nilalabasan ng bala nito. Maraming baril ang maitim. Isa lang ang ayaw ko dito. Kahit na astig ito, maton at macho, masyadong bayolente ang konotasyon nito. Alam naman natin na an gating munting kaibigang nagpapaligaya sa atin ay isang lover boy, first and foremost.

Mga pangalan kaya?

Manoy. Hindi ko alam kung sino ang unang Pinoy na ipinangalan kay Eddie Garcia ang kanyang munting kaibigan. Natutuwa kaya si Eddie Garcia dito? Sabagay parang sex symbol na rin si Eddie Garcia. (“Hindi Buyung. May lambing sa dulo – ‘yong!” – Boyong Mañalac) Macho naman si Eddie Garcia, artista iyan kaya kahit anong role magaling siya. Pulis, judge (nagmukhang “manoy” talaga ang ulo ni Manoy sa Hanging Judge), sundalo, pari, bakla, ander de saya, matandang preso. Ang problema dito, matanda na siya. In deference to Mr. Garcia, mas gugustuhin natin ng bagong salita na may pinakamaraming Pinoy ang makakarelate.

E Dolphy kaya? Nagpapatawa ba ang iyo? Di rin bagay.

Fernando Poe Jr. Masyadong mahaba. (Pero pag malambot, OK na ang FPJ).

Teka, ASTIG, MATON, MALAMBING, pero LOVER BOY. Isa na lang ang ipapangalan natin sa ating munting kaibigan na sadyang nagbibigay ligaya: BINOY!


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: